OUR BLOG

Home / Blog

Search

إنستجرام يسعى لمنافسة اليوتيوب وبقوة!



أكيد أنصدمت من العنوان ودا لظنك إنه لا يمكن الإستغناء عن اليوتيوب.... بس هتتصدم زيادة لما تعرف إنه دا ممكن يحصل قريباً من منافس مشهور جداً وشهد تطورات كتيرة الفترة اللي فاتت.

المنافس هو ال Instagram !

إنستاجرام أطلقت إضافة جديدة في شهر يونيو 2018 اسمها "IGTV " Instagram TV ...وضافت ليها بعض الخصائص والمميزات اللي هتخلي منها منافس قوي وجديد لليوتيوب هنستعرضها معاكم في المقالة دي !

1- التطبيق بشكل جديد:

الشكل الجديد للتطبيق هيظهرلك فيديوهات المفضلة بشكل رأسي من خلال التطبيق نفسه ودا هيسمح لأكبر عدد من متسخدمي البرنامج إنها يستمتعوا بالخدمة دي بدون الحاجة لتحميل تطبيق جديد !


2- التطبيق مختلف ومتوافق تماماً مع إمكانيات جهازك:

تطبيق IGTV مختلف في حاجتين مهمين : أولاً إنه صُمم مخصوصاً علشان يناسب الاستخدام الفعلي لجهازك، فالفيديوهات هتتعرض بشكل رأسي وبشاشة كاملة لضمان أفضل وأحسن مشاهدة.

ثانياً مدة الفيديوهات مش دقيقة واحدة زي فيديوهات الإنستاجرام العادية، وبالتالي كل فيديو يقدر يوصل لمدة ساعة كاملة مشاهدة !


3- تليفزيون متنقل:

بمجرد ضغطك على زرار التشغيل IGTV هيشتغل بالظبط زي التليفزيون التقليدي في أي وقت وفي أي مكان.. بس الميزة الجديدة اللي بتميزه عن اليوتيوب إنك مش مضطر تبحث على الفيديوهات اللي حابب تشوفها !

لإنك بمجرد تشغيلك للتطبيق هتطهرلك الفيديوهات اللي بتشاهدها.. ودا بناءاً على متابعتك لصناع المحتوى أو اللي ممكن تتابعهم مستقبلاً.


4- أنت مش بس متفرج... أنت كمان الممثل والمخرج!

بالظبط زي التليفزيون، IGTV هيكون فيه قنوات... بس صناع المحتوى هم القنوات !

بمجرد ما تتابع قناة معين، كل الفيديوهات هتظهرلك تبعاً، وبناءاً على اهتماماتك.

فتقدر أنت كمان بسهولة يبقى عندك القناة الخاصة بيك وتعرض عليها المحتوى بتاعك !

وأخيراً هل هتقدر تستغنى عن اليوتيوب وتستخدم IGTV بداله ؟